Published on Sat, 04/23/2011
കോഴിക്കോട് : മുസ്ലിം ലീഗില് ചേര്ന്ന് പ്രവര്ത്തിക്കാന് തീരുമാനിച്ചതായി ജമാഅത്തെ ഇസ്ലാമി വിട്ട ഹമീദ് വാണിമേല് പ്രഖ്യാപിച്ചു. ശനിയാഴ്ച വൈകീട്ട് മൂന്ന് മണിക്ക് കോഴിക്കോട് ലീഗ് ഹൗസില് നടക്കുന്ന ചടങ്ങില് ഹെദരലി ശിഹാബ് തങ്ങളില് നിന്ന് പാര്ട്ടി അംഗത്വം സ്വീകരിക്കുമെന്നും അദ്ദേഹം വാര്ത്താ സമ്മേളനത്തില് അറിയിച്ചു. പാര്ട്ടിയിലെ സ്ഥാനമാനങ്ങള് തന്റെ പ്രവര്ത്തനം വിലയിരുത്തിയ ശേഷം ലീഗ് നേതൃത്വമാണ് തീരുമാനിക്കുകയെന്നും അദ്ദേഹം പറഞ്ഞു.
ജമാഅത്ത് പാര്ട്ടി രൂപീകരിച്ചത് തികഞ്ഞ കാപട്യമാണ്. സ്വന്തം പേര് പാര്ട്ടിയോട് ചേര്ത്ത് പറയാന് പോലും നേതാക്കള് ധൈര്യം കാണിക്കുന്നില്ല. ഇത് പ്രസ്ഥാനത്തിന്റെ ജനകീയ അടിത്തറയില് അവര്ക്ക് തന്നെ വിശ്വാസമില്ലാത്തത്കൊണ്ടാണ്. കേരള-ദേശീയ രാഷ്ട്രീയത്തില് ചലനം സൃഷ്ടിക്കാന് പ്രസ്ഥാനത്തിന് കഴിയില്ല. അതുകൊണ്ട് തന്നെ പാര്ട്ടിക്ക് പ്രസക്തിയില്ലെന്നും ഹമീദ് വാണിമേല് പറഞ്ഞു.
ന്യനപക്ഷ സംഘടിത ശക്തിയെ ശിഥിലമാക്കാനുള്ള ഗൂഢലക്ഷ്യമാണിതിന് പിന്നില് .പുതിയ പാര്ട്ടി രൂപവല്കരണ യോഗത്തില് ബി.ജെ.പി നേതാവിനെ ക്ഷണിച്ചത് വിരോധാഭാസമാണ്. ഇത്തരം കാപട്യങ്ങള് സഹിക്കാന് കഴിയാത്തത് കൊണ്ടാണ് താന് പാര്ട്ടി വിട്ടതെന്നും കേരളത്തിലെ ന്യൂനപക്ഷത്തിന്റെ സംഘടിത ശക്തിയായി നില്ക്കാന് കെല്പുള്ള ഏകശക്തി മുസ്ലിം ലീഗ് ആണെന്നും അദ്ദേഹം പറഞ്ഞു.
ജമാഅത്തെ ഇസ്ലാമിയുടെ മുന് പൊളിറ്റികല് സെക്രട്ടറി ആയിരുന്നു ഹമീദ് വാണിമേല്.
0 comments:
Post a Comment
ഇതു വായിച്ചപ്പം നിങ്ങക്ക് എന്ത് തോന്നുന്നു. അതിവിടെ ടൈപ്പ് ചെയ്യൂ...അനുകൂലമായാലും പ്രതികൂലമായാലും.അംഗീകരിക്കാം വിമര്ശിക്കാം...അവഗണിക്കാന് പരമാവധിശ്രമിക്കാതിരിക്കുക...